بەرپرسانی تەندروستی: کۆرۆنای دەلتا هاوشێوەی دڕکەومێکوتە بڵاودەبێتەوە
SNN
بەرپرسانی تەندروستی لە ئەمریکاک هۆشداری لەبارەی زنجیرەی نوێی ڤایرۆسی کۆرۆنا بڵاودەکەنەوە و دەڵێن “لە بڵاوبوونەوەدا وەک دڕکەومێکوتە وایە”.
دەزگای رێگریکردن و قەدەغەکردنی نەخۆشییەکان لە ئەمریکا لە راگەیەندراوێکدا بڵاویکردەوە: “کۆرۆنای جۆری دەلتا یەکێکە لەو ڤایرۆسانەی کە بە خێراترین شێوە بڵاودەبێتەوە، لەوەدا وەک دڕکەومێکوتە و سوورێژە وایە”.
بەرپرسانی تەندروستی ئەو دەزگایە بە رۆژنامەی واشنتن پۆستیان وتووە: “ئەو کەسانەی کە ڤاکسینی کۆرۆنایان وەرگرتووە بە هەمان هێندەی ئەوانەی کە ڤاکسینیان وەرنەگرتووە دەتوانن ڤایرۆسەکە بگوازنەوە بۆ کەسێکی دیکە”.
لەوبارەیەوە روونیکردووەتەوە کە ئەو کەسانەی ڤاکسینی کۆرۆنایان وەرگرتووە مەرج نییە تووشی ئەم جۆرەی کۆرۆنا بن بەڵام ئەگەری هەیە هەڵگری ڤایرۆسەکە بن بۆ کەسانی دیکە.
