سوپای عێراق دەستگیرکردنی شەش چەکداری داعشی راگەیاند
SNN
وتەبێژی فەرماندەی گشتی هێزە چەکدارەکانی عێراق رايگەياند: “لە ميانی ئۆپراسيۆنێکدا لە ئەنبار و سەڵاحەدين شەش چەکداری داعش دەستگيرکراون”.
يەحيا رەسوڵ وتەبێژی فەرماندەی گشتیی ھێزە چەکدارەکانی عێراق رايگەياند: “لەسەر فەرمانی سەرۆکوەزیران و فەرماندەی گشتیی ھێزە چەکدارەکان، ھێزەکانی دژەتیرۆری عێراق زنجیرەیەک ئۆپەراسیۆنمان لە ژمارەیەک ناوچەی پارێزگای ئەنبار رۆژئاوای ئەو وڵاتە بۆسەر تیرۆریستانی داعش ئەنجامداوە”.
بەپێی راگەیەندراوەکە “لە میانی ئۆپەراسیۆنەکاندا، پێنج تیرۆریستی داعش لە ئەنبار دەستگیر کراون، ھەروەھا ھێزەکانی دژەتیرۆری عێراق لە میانی ئۆپەراسیۆنێکدا، تیرۆریستێکی داعشیان لە پارێزگای سەڵاحەددین دەستگیرکردووە”.
