سودان زەوییەکی فراوان دەبەخشێتە تورکیا
SNN
حکومەتی سودان زەوییەکی فراوانی بەخشییە تورکیا تا حکومەتی ئەنقەرە بەمەبەستی کارکردن یان کشتوکاڵ بەکاری بهێنێت.
فوئاد ئۆکتای، جێگری سەرۆکی تورکیا لە کۆبوونەوەیەکدا لەگەڵ بازرگان و وەبەرهێنەرانی تورکیا لە ئەنقەرە، کە عەبدولفەتاح بورهان، سەرۆکی ئەنجوومەنی سەرۆکایەتیی سودان-یش بەشداربوو، رایگەیاند: “گفتوگۆکان لەنێوان تورکیا و سودان ئەنجامەکەی واژۆکردنی حەوت رێککەوتن و لێکتێگەیشتن بووە، لەنێویاندا بوارەکانی وزە، بەرگری، دارایی و میدیا هەن، لەو چوارچێوەیەشدا سودان 100 هەزار هێکتار زەویی بۆ وڵاتەکەی دابینکردووە بۆ مەبەستی کشتوکاڵی و کارکردن تێیدا”.
سەرۆکی ئەنجوومەنی سەرۆکایەتیی سودان بە ئاژانسی هەواڵیی فەرمیی تورکیای راگەیاندووە: “خۆشحاڵە بەوەی بەمزووانە قەبارەی بازرگانیمان لەگەڵ تورکیا بۆ دوو ملیار دۆلار زیاد دەکەن لەکاتێکدا کەوڵاتەکەمان بە قۆناخی دەستاودەستکردندا تێدەپەڕێت بۆ گەیشتن بەو پێگەیەی کە لەنێو وڵاتانی پێشکەوتووی جیهان شایەنیەتی”.
