دوو تۆمەتباری کێشە خێزانییەکەی کەلار دەستگیرکران

SNN

بەڕێوەبەرایەتیی پۆلیسی گەرمیان دەستگیرکردنی دوو تەقەکەری کێشە خێزانییەکەی شەوی ڕابردووی کەلار، کە دوو برای تێدا برینداربوون، ڕاگەیاند.

ئەمڕۆ شەممە، بەڕیوبەرايەتی پۆليسی گەرميان رايگەياند: “دوای ئەوەی شەوی ڕابردوو شەڕ لەنێوان دوو دراوسێ لەگەڕەکی گۆرانی قەزای کەلار دروست بوو بەوهۆیەوە دوو برا بەفیشەک برینداربوون و یەکێکیان بەهۆی سەختی برینەکەیەوە ڕەوانەی نەخۆشخانەی سلێمانی کرا”.

ئاماژەی بەوەشکرد: “دوای ئەوەی بەپێی مادەی 405/ 31 دادوەر فەرمانی دەستگیرکردنی بۆتۆمەتباران دەرکرد، بەیانی ئەمڕۆ بەشی پۆلیسی کەلار هەردوو تۆمەتباریان دەستگیرکرد و دەستیان بەسەر چەک و ئۆتۆمبێلی تۆمەتباراندا گرت لەئێستادا لێکۆڵینەوە لەگەڵیان دەستی پێ کردووە”.