سەیفولئیسلام قەزافی لە هەڵبژاردنەکانی لیبیا دورخرایەوە

SNN

ئەمڕۆ پێجشەممە، کۆمسیۆنی ھەڵبژاردنەکان لە لیبیا رایگەیاند: “لە کۆی 73 کەس کە خۆیان کاندید کردبوو بۆ ھەڵبژاردنی سەرۆکایەتی لیبیا، 25 کەس دوورخراونەتەوە، کە یەکێکیان سەیفولئیسلام قەزافی کوڕی موعەمەر قەزافی، سەرۆکی لابراوی پێشووی لیبیا بووە، ھۆکارەکەشی گەڕێندرایەوە بۆ ئەوەی لە دادگای نێودەوڵەتی تاوانەکان داواکراوە و مەرجەکانی بۆ سەرۆکایەتی لیبیا تێدا نییە.

ھاوکات کۆمسیۆنی ھەڵبژاردنەکانی لیبیا کاندیدبوونی “عەبدولحەمید دەبیبە” و “خەلیفە حەفتەر”ی پێشتر قبوڵ کردووە، بڕیاریشە ھەڵبژاردنی سەرۆکایەتی لیبیا لە مانگی داھاتوو بەڕێوەبچێت و نەتەوە یەکگرتووەکانیش داوای قبوڵکردنی ئەنجامەکان دەکات.