بافڵ جەلال تاڵەبانی پیرۆزبای جەژنی سێ شەوەی (یارانی قەوڵتاس)ی کاکەی دەکات

SNN
بافڵ جەلال تاڵەبانی پیرۆزبای جەژنی سێ شەوەی (یارانی قەوڵتاس)ی کاکەی دەکات و تێیدا دەڵێت: کاکەییەکان کە پێکھاتەیەکی رەسەن و گرنگی گەلەکەمانن، لە مێژووی دێرین و نوێشدا ھەمیشە لە ریزی پێشەوەی خەبات بوون و رۆڵی جوامێرانەیان لە پێکەوەژیانی ئاینی و کۆمەڵایەتی کوردەواریدا بەرز دەنرخێنین.

دەشڵێت: ئەمشەو خوشک و برایانی کاکەیی کە جەژنی سێ شەوەی (یارانی قەوڵتاس) بەڕێدەکەن، وێڕای گەرمترین پیرۆزباییمان بەم بۆنەیەوە، ئومێدەوارم لە کەشێکی ئارام و خۆشیدا ئەم جەژنە بکەنەوە و ئەمشەو ببێتە مایەی تەبایی و قوڵکردنەوەی برایەتی و خۆشەویستی زیاتر لەناو گەلەکەماندا.

یەکێتیی نیشتمانیی کوردستان وەک ھەمیشە پارێزەر و پشتیوانی بەدیھێنانی مافەکانتان دەبێت و پارێزگاری لە تایبەتمەندی ئاینیی کاکەیی و ئاینزاکان و پێکھاتەکانی تری نەتەوەکەمان دەکات، کە بە سەدان ساڵە لەم کوردستانەدا پێکەوە دەژین و لێبووردە لەبەرامبەر جیاوازییەکان بە ئاشتییانە و برایانە ژیان بەڕێدەکەن.

دووبارە پیرۆزبایی ئەم جەژنەتان لێدەکەین
ھەر شاد و سەربەرز و سەرکەتووبن