قوباد تاڵەبانی: پۆرتاڵی خزمەت هەنگاوێکی گرنکە بەرەو حکومەتی ئەلەکترۆنی
كۆبوونهوهى قوباد تاڵهبانى، جێگرى سهرۆكى حكومهتى ههرێم لهگهڵ ئێرڤن هیکس، کۆنسوڵی نوێی ئەمریکا | فۆتۆ: Azhi Omar
SNN
جێگری سهرۆكى حكومهتى ههرێم لە هەولێر پێشوازیکرد کۆنسوڵی نوێی ئەمریکا لە هەرێمی کوردستان و لە کۆبوونەوەی نێوانیاندا چاکسازییەکانی حکومەتی هەرێم و پەرەپێدانی پەیوەندییەکانی نێوان هەرێم و ئەمریکا تاوتوێ کرا.
لە دەستپێکی کۆبوونەوەکەدا کە ڕۆژی چوارشەمە 24ی ئابی 2022 بەڕێوەچوو، قوباد تاڵهبانى، جێگری سەرۆکى حكومهتى ههرێم بەبۆنەی دەستبەکاربوونییەوە، پیرۆزبایی لە ئێرڤن هیکس، کۆنسوڵی نوێی ئەمریکا کرد و هیوای خواست لە ماوەی کارکردنیدا لە کوردستان، پەیوەندییەکانی نێوان هەرێم و ئەمریکا بەرەوپێشچوونی زیاتر بەخۆیەوە ببینێت.
لە بەشێکیتری کۆبوونەوەکەدا باسی پۆرتاڵی خزمەت کرا کە پرۆژەیەکی حکومەتی هەرێمە و زیاتر لە 400 جۆر خزمەتگوزاری لەخۆدەگرێت، لەمبارەیەوه قوباد تاڵەبانی ئاماژەی بەوەدا، “پۆرتاڵی خزمەت هەنگاوێکی گرنگه بە ئاراستەی حکومەتی ئەلکترۆنی و کارئاسانییەکی باش بۆ هاووڵاتیيان دابیندەکات. ئەمە جگە لەوەی رێگری لەگەندەڵی دەکات”.
لە تەوەرێکیتری کۆبوونەوەکەدا باسی پرۆسەی ریفۆرم و هەنگاوکانی چاکسازی حکومەتی هەرێم کرا، قوباد تاڵەبانی داوایکرد، “ئەمریکا زیاتر هاوکاربێت لە بەرەپێشبردنی پرۆسەی ریفۆرم لە هەموو بوارەکاندا و بە تایبەتیش ریفۆرم لە وەزارەتی پێشمەرگەدا”.
لە بەشێکیتری کۆبوونەوەکەدا تاوتوێی دۆخی سیاسی عێراق کرا و هەردوولا هاوڕابوون کە لایەنە عێراقییەکان لەڕێی گفتوگۆوە کێشەکانی نێوانیان چارەسەر بکەن و رێگە نەدەن ناکۆکییەکان وڵات بەرەو ناسەقامگیری زیاتر ببات”.
