هێزێكى ئه‌منى عێراق له‌نزین بنكه سه‌ربازییه‌كه‌ى توركیا له به‌عشیقه بڵاوه‌یپێكراوه
عێراق
SNN
كه‌مێك له‌مه‌وبه‌ر میدیاكانى عێراق له‌سه‌ر زارى سه‌رچاوه‌كانیانه‌وه بڵاویانكرده‌وه، “كه هێزێكى زۆرى ئه‌منى له نزیك بنه‌ى سه‌ربازى توركیا له به‌عشیقه بڵاوبوونه‌ته‌وه”.
به‌پێى زانیارییه‌كانى میدیاكانى عێراق، “له ئێواره‌ى ئه‌مڕۆوه هێزێكى زۆرى ئه‌منى له ناوچه‌ى به‌عشیقه و به دیاریكراوى له ده‌وروبه‌رى مه‌زارى ئیمام ڕه‌زا جێگیر كراون له‌سه‌ر چیاى به‌عشیقه كه نزیكه له بنكه سه‌ربازییه‌كه‌ى توركیا له به‌عشیقه”.
به‌پێى زانیارییه‌كان، “هۆكارى جێگیر كردنى ئه‌و هێزه ده‌گه‌ڕێته‌وه بۆ مه‌راسیمه‌كانى چله‌ى ئیمام حسێن كه به‌هۆیه‌وه زیاره‌تكارانى ئێران روو له‌و مه‌زارگه‌یه ده‌كه‌ن”.
بڵاوبوونه‌وه‌ى ئه‌م هه‌واڵه‌ى میدیاكانى عێراق له‌كاتێكدایه كه ئه‌مڕۆ هه‌ینى 16ى ئه‌یلول، ده‌نگۆى ئه‌وه بڵاوبوویه‌وه كه، “هێزێكى ئه‌منى به سه‌رۆكایه‌تى ناسر ئه‌لغانم، سه‌رۆكى ئه‌كادیمیاى سه‌ربازى عێراق چوونه‌ته ناوچه‌ى زێلكان له به‌عشیقه كه بنكه‌ى سه‌ربازى توركیاى لێیه و ته‌نیا 24 كاژمێر مۆڵه‌تیان داوه‌ته هێزه‌كانى توركیا بۆ ئه‌وه‌ى بنكه‌كه چۆڵ بكه‌ن”.
