سلێمانى خوێندهوارترین پارێزگاى ههرێمه و خهڵكهكهى زۆرترین كتبێت دهخوێننهوه
شاری سلێمانی
SNN – عەلی حەمە سەعید
بهپێى ئامارهكانى بهڕێوهبهرایهتى گشتى كتێبخانە گشتییەكانی هەرێمی كوردستان لە ئهمساڵدا پارێزگای سلێمانی لە پلەی یەكەمی پارێزگاكانی هەولێر و دهۆك و هەڵەبجە و ئیدارە سەربەخۆكان دێت لە زۆری رێژەی خوێنەری كتێب و سەردانكردنى كتێبخانە گشتییەكان.
بهپێى ئەو ئامارانەی كە لە بەڕێوەبەرایەتی گشتی كتێبخانەكانی هەرێم بە SNN دراون، “لەمساڵدا زۆرترین رێژەی سەردانیكەرانی كتێبخانە گشتییەكان لە پارێزگای سلێمانی تۆماركراوە، بە جۆرێك لە هەموو پارێزگاكانی هەرێمی كوردستاندا 92 كتێبخانەی گشتی هەن كە 858 هەزار و 951 كتێب و گۆڤاریان تێدایە، لە سەرەتای ئەمساڵەوە لە سەرجەم پارێزگاكانی هەرێم خوێنەران 28 و 539 جار سەردانی ئەو كتیبخانانەیان كردووە”.
ههر بهپێى زانیارییهكانى بەڕێوەبەرایەتی گشتی كتێبخانەكانی هەرێم، “لەكۆی ئەو 92 كتێبخانە گشتییەی كە لە هەرێمی كوردستان تۆماركراون لە پارێزگای هەولێر و ئیدارەی سۆران 30 كتێبخانەی گشتی تۆماركراون، ژمارەی سەردانكردن حەوت هەزار و 647 خوێنەر سەردانیان كردووە، لە پارێزگای سلێمانی 26 كتێبخانەی گشتی هەن كە ژمارەی سەردانكردنیان 14 هەزار و 52 خوێنەر سەردانیان كردوون، لە پارێزگای دهۆك و ئیدارەی زاخۆ هەشت كتێبخانەی گشتی تۆماركراون كە ژمارەی سەردانكردنیان سێ هەزار و 246 خوێنەریان هەبووە، لە پارێزگای هەڵەبجەش شەش كتێبخانەی گشتی هەن كە ژمارەی سەردانكردنیان هەزارو 339 خوێنەربووە”.
هەرلە ئامارەكەی بەڕێوەبەرایەتی گشتی كتێبخانە گشتییەكان ئەوەش خاوەتەڕوو، “لە سەرجەم كتێبخانە گشتییەكاندا 858 هەزار و 951 كتێب و گۆڤار بە زمانە جیاجیاكان بەردەستن، لەو ژمارەیەش هەولێر: 2.796.866 ناونیشانی كتێب، لە سلێمانی: 350.984 ناونیشانی كتێب، گەرمیان: 84.493 ناونیشانی كتێب، دهۆك: 74.230 ناونیشانی كتێب، هەڵەبجە: 32.689 ناونیشانی كتێب، راپەڕین: 39.689 ناونیشانی كتێب بهردهستن”.
