نرخى بهشێك له خۆراكه سهرهكییهكان له سلێمانى دابهزى
كۆگایهكى خۆراك له سلێمانى | فۆتۆ: SNN
SNN
بهڕێوهبهرى چاودێرى بازرگانى سلێمانى رایدهگهیهنێت، نرخى بهشێك له خۆراكه سهرهكییهكان له سلێمانى دابهزینى بهرچاوى به خۆیهوه بینوه، دهشڵێت: “50 لیژنه له رۆژانى جهژندا چاودێرى بازاڕ دهكهن له سلێمانى”.
ئهمڕۆ پێنجشهممه 20ى نیسان، سۆران عهبدولغهفور، بهڕێوهبهرى چاودێرى بازرگانى سلێمانى لهنوێترین لێدوانى رۆژنامهوانیدا به كهناڵى رووداوى راگهیاند، “نرخى بهشێك له خۆراكه سهرهكییهكان له شارى سلێمانى دابهزیوه، بۆ نمونه ئارد، نرخى یهك فهرده ئارد له 51 ههزار دینارهوه دابهزیوه بۆ 39 ههزار دینار، واته نرخى یهك فهرده ئارد 12 ههزار دینار دابهزیوه”.
وتیشى: “بهشێكى تر لهو خۆراكانهى دابهزیوه نرخهكهیان بریتین له زهیت و چاو و قهیسى، بۆ نمونه باوترین جۆرى قهیسى له 11 ههزار دینارهوه دابهزیوه بۆ 8 ههزار دینار”.
لهبارهى چاودێرى كردنى بازاڕهكان بهڕێوهبهرى چاودێرى بازرگانى سلێمانى جهختى لهسهر ئهوه كردهوه، “50 لیژنهى تایبهتمهندمان ههیه كه رۆژانى جهژنیش لهنێو بازاڕهكاندا گهڕانى خۆیان دهكهن بهمهبهستى چاودێرى كردنى نرخهكان و ههركهس پێچهوانهى یاسا بجوڵێتهوه سزاى دهدهن”.
به وتهى سۆران عهبدولغهفور، “تاكه ماددهى خۆراكى كه نرخهكهى زۆر بهرزبووهتهوه بریتیه له فاسۆلیا، چونكه نرخى ههر فهردهیهكى له 65 ههزار دینارهوه بهرزبووهتهوه بۆ 85 ههزار دینار”.
لهبارهى بهرزبوونهوهى نرخى خۆراك بهشێوهیهكى گشتى هاوكات لهگهڵ بهرزبوونهوهى نرخى دۆلار بهرامبهر دینار سۆران عهبدلوغهفور ئاشكراى كرد، “بهشێوهیهكى گشتى نرخى خۆراك 7.1٪ بهربووهتهوه”.
