ئەمڕۆ کۆبوونەوەی لوتکەیە G20 لە هیندستان بەڕێوەدەچێت

SNN

ئەمڕۆ شەممە، کۆبوونەوەی لوتکەی وڵاتانی G20 لە نیودەهلیی هیندستان دەستپێدەکات و بڕیاریشە کارەکانی کۆبوونەوەکە ماوەی دوو رۆژ بخایەنێت، هەروەها جگە لە سەرکردەکانی ئەندامانی گروپەکە، نزیکەی 10 سەرکردەی وڵاتانی دیکەش بەشداری بکەن.

لە کۆبوونەوەکەدا ئەنتۆنیۆ گۆتێرێز سکرتێری گشتی نەتەوە یەکگرتووەکان و جۆ بایدن سەرۆکی ویلایەتە یەکگرتووەکانی ئەمەریکا ئامادە دەبن، بەڵام هەریەکە ڤلادیمێر پوتین سەرۆکی روسیا و شی جیپینگی سەرۆکی چین بەشداری کۆبوونەوەکە ناکەن و لەجێگەی ئەوان، سێرگی لاڤرۆڤ وەزیری دەرەوەی روسیا و لی چیانگ سەرۆک وەزیرانی چین بەشداری لوتکەکە دەکەن.

هەر لە کۆبوونەوەکەدا چەندین تەوەر دەخرێتەڕوو کە سەرەکیترینیان پرسی ئاسایشی خۆراک و شەڕی نێوان روسیا و ئۆکرانیا دەبێت.