“ساڵی رابردوو 1391 هاوسەر جیابوونەتەوە”
جیابوونەوە- طلاق
مەکتەبی تەنفیزیی یەکێتی زانایانی ئایینی ئیسلامیی کوردستان ئاماری ساڵی 2023 ی لیژنەکانی فەتوای لەبارەی حاڵەتەکانی لێک جیابوونەوەی خێزان و هاوسەران بڵاو کردەوە و رایگەیاند، 1391 حاڵەتی جیابوونەوەی هاوسهران له ههرێمی كوردستاندا ههبووه
یەکێتی زانایان لە ئامارەکەیدا دەڵێت، ئەو کێشە خێزانیانەی وەک سکاڵا هاتووەتە لێژنەکەیان لە ماوەی ساڵی 2023 دا، گەیشتووەتە 2828 حاڵەت، ئەو کێشانەی نەگەیشتنە چارەسەرو بە جیابوونەوە کۆتاییهات،1391 حاڵەت بووە.
لە راگەیەندراوەکەدا هاتووە کە وەڵامی 4291 پرسیاری شەرعیی هاووڵاتیانیان داوەتەوە و هەزار و 122 کێشەی میرات و زەوی و زار و هەزار و 79 کێشەی مامەڵە و بازرگانیی و کڕین و فرۆشتنیان چارەسەر کردووە.
یەکێتی زانایانی ئاینیی ئیسلامی کوردستان ئاماژە بەوە دەکات، لە ساڵی 2023، توانیویانە 1157 سیمینار و حەلقەی زانستی لەبواری رۆشنبیریی ساز بکەن، هاوکات بەشداریی لە 18 کۆنفرانسی نێودەوڵەتی هەر لەو ساڵەدا بکەن، 839 پرۆسەی ئاشتەواییش ئەنجام بدات.
