سعودیە یەکەم رۆژی مانگی رەمەزانی دیاریکرد

SNN

کۆمەڵەی فەلەکناسی سعودیە یەکەم رۆژی مانگی رامەزانی دیاریکرد و رایگەیاند، دووشەمە یەکەم رۆژی رەمەزانە.

ئەمڕۆ هەینی 8ی ئازار، کۆمەڵەی فەلەکناسی سعودیە لە راگەیەنراوێکدا ئاشکرایکردووە، 11ی ئازار کە دەکاتە رۆژی دووشەممەی داهاتوو دەبێتە یەکەم رۆژی مانگی رەمەزان.

سەبارەت بە یەکەم رۆژی مانگی رەمەزان لە کوردستان، نەبەز ئیسماعیل،  وتەبێژی وەزارەتی ئەوقاف و کاروباری ئاینی حکومەتی هەرێمی کوردستان بە SNN-ی راگەیاند: ئەگەر ئێوارەی رۆژی یەکشەممە مانگ بینرا، رۆژی دووشەممە یەکەم رۆژی مانگی رەمەزانی پیرۆزە، بەڵام ئەگەر مانگ نەبینرا ئەوا رۆژی دووشەممە تەواوکەری مانگی شەعبانە و رۆژی سێشەممە یەکەم رۆژی مانگی رەمەزانە.