لە رووداوێکی هاتوچۆدا لە ئەفغانستان نزیکەی 60 کەس بوونە قوربانی
SNN
لە رووداوێکی هاتوچۆدا لە ئەفغانستان 21 کەس گیانیانلەدەستدا و 38 کەسی تریش برینداربوون، رووداوەکەش لە نیوان بارهەڵگرێکی سوتەمەنی و پاسێک و ماتۆڕسکیلێکدا بووە.
ئەمڕۆ یەکشەممە 17ی ئازار، لێپرسراوی ویلایەتی ھێڵمەند لە ئەفغانستان رایگەیاند، بەیانی ئەمڕۆ رووداوێکی ھاتووچۆ لەنێوان بارھەڵگرێکی سوتەمەنی و پاسێک و ماتۆڕسکیلێک روویداوە و بەھۆیەوە 21 کەس گیانیانلەدەستداوە و 38 کەسی دیکەش برینداربوون.
ئاماژەی بەوەکردووە، لە کاتی رووداوەکەدا بارھەڵگری سوتەمەنییەکە گڕی گرتووە، بەڵام ھێشتا ھۆکاری رووداوەکە نەزانراوە، کە لەسەر رێگەی سەرەکی نێوان ھێرات لە رۆژئاوای ئەفغانستان و کابولی پایتەخت روویداوە، تەرمی بەشێک لە قوربانییەکانیش سوتاون.
