وەفدێكی وەزارەتی دارایی هەرێم و عێراق لە كۆبونەوەدان
کۆبوونەوەی شاندی هەرێم و بەغدا لەسەر پڕۆژەیاسای نەوت و غاز | فۆتۆ: حكومهتى ههرێم
SNN
وەفدێكی تەكنیكی وەزارەتی دارایی هەرێم لە بەغداد لەگەڵ وەزارەتی دارایی عێراق لەبارەی مووچەی مانگی نیسان و رادەستكردنی داهاتە نانەوتییەكان و هەژماری من لە كۆبونەوەدان.
تەلەفیزیۆنی یەکێتی رایگەیاند، تەوەری سەرەكی كۆبونەوەی وەفدی هەرێم لەگەڵ عێراق پرسی رادەستكردنی 50٪ی داهاتی نانەوتی و مووچەی مانگی نیسانی مووچەی مووچەخۆران دەبێت.
ئاماژەی بەوەشكرد، وەفدی هەرێم داوایكردووە بانكی رافیدەین و رەشید بێنە ناو پڕۆژەی هەژماری منەوە بۆ ئەوەی بە بانكیكردنی مووچەی مووچەخۆران دەستپێبكەن و پڕۆسەكە زوو تێبپەڕێنن.
رۆژی 24ی نیسان ئەنجومەنی وەزیرانی هەرێم لە راگەیەندراوێكدا ئاماژەی بەوەكرد، وەزارەتی دارایی راسپێردراوە داهاتی نانەوتی بخاتە سەر هەژماری وەزارەتی فیدراڵ.
