نوێترین زانیاری لەبارەی تەوتینی مووچەی فەرمانبەرانی هەرێم راگەیەندرا

عەلی حەمەسەعید-SNN

دوای ئەوەی ئەمڕۆنوسینگەی ڕاگەیاندنی سەرۆکوەزیرانی عێراق، ئەوەی بڵاوکردەوە کە بانکی TBIلە%75مووچەی فەرمانبەرانی هەرێم تەوتین دەکات،بەرپرسێکی وەزارەتی دارایی هەرێم زانیاری نوێ ئاشکرادەکات.

بەگوێرەی ئەوزانیارییانەی کە لەبەرپرسێکی وەزارەتی دارایی هەرێم بە SNNدراون ئەوەخراوەتەڕوو، دوای کۆبوونەوەی سەرۆکوەزیرانی عێراق و وەزیری دارایی هەرێم و عێراق و بەرپرسانی بانکی TBI هەردوولا ڕێککەوتوون لەسەر ئەوەی کە ئەو فەرمابەرانەی کە لە هەژماری من هەژماریان بۆکراوەتەوە هەرلەوێ دەمێننەوە کە دەکاتە لە%25ی فەرمانبەرانی هەرێم و هاوکات لە%75ی فەرمانبەرانیش لەلایەن بانکی TBIتەوتین دەکرێن.

ئاماژەی بەوەشکرد، دوای سێ مانگی دیکە ئەو لە%25ی فەرمانبەرانی هەرێم کە لە هەژماری من مووچەوەردەگرن، بە ئارەزوومەندانە دەتوانن هەژمارەکانیان بگوازنەوە سەر بانکی TBIی بەوجۆرەش هەژماری من کۆتایی دێت.

زانیارییەکانی SNNلەکاتێکدایە کە ئەمڕۆ سەرۆکوەزیرانی عێراق ئەوەی بڵاوکردووەتەوە کە سەرپەرشتی كۆبوونەوەیەكی تایبەت بە بانكیكردنی مووچەی فەرمانبەرانی هەرێمی كوردستانی كردووە، کە تییدا شاندی هەرێم بە سەرۆکایەتی ئاوات شێخ جەناب، وەزیری دارایی و ئابووری حکومەتی هەرێم و شاندی یاوەری ئامادەبوون.‎ سودانی لە كۆبوونەوەكەدا بانكی (تی بی ئای) ڕادەسپێرێت بۆ بە بانكیكردنی مووچەی ٪75ـی فەرمانبەرانی هەرێم و دەبێت لەچەند رۆژی داهاتوودا پڕۆسەكە دەستپێبكات.