” 55%ى خاكى عێراق مهترسیى بیابانبوونى لهسهره”
وشكههڵهاتنى خاك بههۆى كهمبوونهوهى ئاوهوه له عێراق | فۆتۆ: Anjam Rasool/IOM
SNN
ناوهندێكى ستراتیجى ئاشكراى دهكات، 55%ى خاكى عێراق مهترسیى بیابانبوونى لهسهره.
ئهمڕۆ دووشهممه 17ى حوزهیران، فازل غهراوى، سهرۆكى ناوهندى ستراتیجى بۆ مافهكانى مرۆڤ له عێراق رایگهیاند، “رووبهرى زهویی به بیابانبووهكانى عێراق گهیشتووهته 27 ملیۆن دۆنم كه هاوكاته لهگهڵ 15%ى خاكى عێراق. ئهمه سهرهڕاى ئهوهى 55%ى خاكى عێراق مهترسیى بیابانبوونى لهسهره”.
لهبارهى ئهو پارێزگایانهى كه زۆترین زنیان بهركهوتووه، سهرۆكى ناوهندى ستراتیجى بۆ مافهكانى مرۆڤ له عێراق ئاشكراى كرد، “خاكى پارێزگاى زیقار زۆرترین زیانى بهركهوتووه كه 53%ى خاكهكهى بووهته بیابان، پارێزگاكانى تریش رێژهى به بیابانبوون تێیاندا لهنێوان 1 بۆ 14%ه”.
كۆچكردن له دهرئهنجامى كاریگهرییهكانى گۆڕانى ئاوههوا، یهكێكى تره لهو كێشانهى كه بهرۆكى عێراقى گرتووه به وتهى فازل غهراوى. بهپێى راپۆرتێكى رێكخراوى كۆچى نێودهوڵهتى، “12 ههزار و 212 خێزان بههۆى كاریگهرییهكانى وشكهساڵییهوه له 10 پارێزگاى ناوهڕاست و باشوورى عێراق ئاواره بوون”.
بهپێى ناوهڕۆكى راپۆرتهكه، “76%ى ئهو خێزانانهى كه ئاواره دهبن دهچنه نێو شارهكان بهمهبهستى چیان ئهمهش مهترسیهكان زیاتر دهكات”.
