زیاتر لە %60ی ئەمریکییەکان داوا دەکەن بایدن لە ھەڵبژاردنی سەرۆکایەتی بشکێتەوە
Biden
SNN
دوای دیبەیتەکەی لەگەڵ ترەمپ، زۆرینەی ئەمریکییەکان و بەتایبەتیش لایەنگرانی کۆمارییەکان داوا لە پارتەکەیان دەکەن کەسێکی تر لە جێگەی بایدن بۆ ھەڵبژاردنی سەرۆکایەتی کاندید بکات.
بەپێی راپرسییەک کە کۆمپانیای (مۆرنینگ کۆنساڵت) دوای دیبەتەکەی نێوان جۆ بایدن کاندیدی دیموکراتەکان و دۆناڵد ترەمپ کاندیدی کۆمارییەکان ئەنجامیداوە لەبارەی ئەدا و توانای بایدن، زیاتر لە %60ی ھاووڵاتیانی ئەمریکاو بەتایبەتیش لایەنگرانی دیموکراتەکان داوایان لە پارتەکەیان کردووە بە زوترینکات کەسێکی تر لە جێگەی بایدن بۆ ھەڵبژاردنی سەرۆکایەتی ئەمریکا کاندید بکات کە بڕیارە ئەو ھەڵبژاردنە لە مانگی 11ی ئەمساڵ بەڕێوەبچێت.
ئاماژەی بەوەشکردووە، بەپێی راپرسییەکە ئەمریکییەکان و لایەنگرانی دیموکراتەکان پێیانوایە لەو دیبەیتەدا، بایدن زۆر لاواز دەرکەوتووە و ئەدایەکی زۆر خراپی ھەبووە و کاریگەری تەمەنیش لەسەر قسەکانی بە تەواوی بەدیکراوە، بۆیە پێناچێت بتوانێت بۆ چوار ساڵی داھاتوو بە شێوەیەکی سەرکەوتوو سەرۆکایەتی ئەمریکا.
