ئه‌مساڵ رێژه‌ى گلدانه‌وه‌ى ئاو له عێراق بۆ سێ هێنده زیاد بووه
بەنداوی دەربەندیخان، دەکەوێتە قەزای دەربەندیخان و نزیکەی ٦٧ کیلۆمەتری باشووری ڕۆژهەڵاتی پارێزگای سلێمانی، لە ساڵی ١٩٦١دا لەسەر ڕووباری سیروان دروستکراوە و، توانای گلدانەوەی سێ ملیار مەتر سێجا ئاوی هەیە.
SNN
وه‌زیرى سه‌رچاوه‌كانى ئاوى عێراق ئاشكرای كرد، ئه‌مساڵ رێژه‌ى گلدانه‌وه‌ى ئاو له به‌نداوه‌كان بۆ سێ هێنده زیادى كردووه به به‌راورد به ساڵانى رابردوو.
عۆن زیاب، وه‌زیرى سه‌رچاوه ئاویه‌كانى عێراق له كۆنگره‌یه‌كى رۆژنامه‌وانیدا رایگه‌یاند، “خۆشبه‌ختانه ئه‌مساڵ رێژه‌ى گلدانه‌وه‌ى ئاو له عێراق بۆ سێ هێنده زیادى كردووه”.
به وته‌ى وه‌زیرى سه‌رچاوه ئاویه‌كانى عێراق، “پلانیان هه‌یه چه‌ند به‌نداوێك دروستبكه‌ن تاوه‌كو رێگه‌بگرین له به‌فیڕۆچوونى ئاو”.
له به‌شێكى ترى قسه‌كانیدا وه‌زیرى سه‌رچاوه ئاویه‌كانى عێراق ئاماژه‌ى به‌وه‌شكرد، “پرۆژه‌یه‌كى نوێمان ده‌ستپێكردووه به‌مه‌به‌ستى راكێشانى ئاوى سوێرى ده‌ریا و به‌كارهێنانى بۆ پیشه‌سازى نه‌وت، بۆ ئه‌وه‌ى به‌كارهێنانى ئاوى شیرین له‌و پیشه‌سازیه‌دا كه‌مبێته‌وه”.
