ئەنجومەنی نوێنەران خوێندنەوەی یەكەم بۆ هەمواری یاسای لێبوردنی گشتی دەكات

SNN

بڕیارە ئەمڕۆ، ئەنجومەنی نوێنەرانی عێراق كۆببێتەوە و یەكێك لە تەوەرەكانی كۆبونەوەكەش هەمواری یاسای لێبوردنی گشتییە.

فەرمانگەی ڕاگەیاندنی ئەنجومەنی نوێنەران ڕاگەیەندراوێكی بڵاوكردەوە و تیایدا هاتووە، ئەمڕۆ ئەنجومەنەكە سەعات 1ی پاشنیوەڕۆ كۆدەبێتەوە و خوێندنەوە بۆ چوار تەوەر دەكات.

ڕاشیگەیاند، بەپێی كارنامەكە خوێندنەوەی یەكەم بۆ هەمواری یاسای لێبوردنی گشتی و خوێندنەوەی دووەمیش بۆ پڕۆژە یاسای بەشداریكردنی عێراق لە ڕێككەوتنی پیشانگا نێودەوڵەتیەكان لە پاریس دەكرێت.

ئاماژەی بەوەشكرد، هەر لە كۆبوونەوەكەی ئەمڕۆدا خوێندنەوەی دووەم بۆ یاسای پارێزەران و بەدەستهێنانی زانیاری و ڕێككەوتنی نێوان عێراق و سوریا لە بواری ئاسمانیدا دەكرێت.