یەکشەممە ئەندەرپاسێکی دیکە لە سلێمانی دەکـرێتەوە
ئەندەرپاسی ئارام
SNN
لە دوو مانگی رابردوودا سێیەم پرۆژەی رێگەوبانە لە سلێمانی دەکرێتەوە، و دوای دیکەش لە جێبەجێکردندان
ڕۆژی یەکشەممە 11ی ئاب، ئەندەرپاسی “فاروقی مەلا مستەفا” لەسەر شەقامی بازنەیی مەلیک مەحمود دەکرێتەوە، کە بەشی ناوەوەی شەقامی بازنەیی مەلیک مەحمود و گەڕەکەکانی سەیوان و ئازادی و مامەیارە بە گەڕەکەکانی ئیبراهیم ئەحمەد و کازیوە و قڕگە دەبەستێتەوە.
لە ماوەی دوو مانگی ڕابردووشدا ئەمە سێیەم پڕۆژەی ژێرخانی هاتووچۆیە کە لە سلێمانی تەواوکراون، پێشتریش هەریەک لە یەکتربڕی باخی بەختیاری لە دەروازەی سلێمانی و پڕۆژەی یەکتربڕی ئارام لەسەر شەقامی بازنەیی مەلیک مەحمود لەلایەن قوباد تاڵەبانییەوە کرایەوە.
هەریەک لە بەرزە پردی حەپسەخانی نەقیب و ئەندەرپاسی والیش لە قوناغی جێبەجێکردندان و بە تەواوبوونیان بە ڕێژەیەکی زۆر گرفتی قەرەباڵغی لە شەقامەکانی سلێمانی کەمدەکەنەوە.
