“له 7 مانگدا 67 كه‌س به تۆمه‌تى بڕینه‌وه‌ى دار له سلێمانى ده‌ستگیر كراون”
دیمه‌نى بڕینه‌وه‌ى دارستانه‌كانى هه‌رێم | فۆتۆ: هێڤیدار ئه‌حمه‌د
SNN
له‌ماوه‌ى حه‌وت مانگى رابردووى ئه‌مساڵدا 67 كه‌س به تۆمه‌تى بڕینه‌وه‌ى دارى دارستانه‌كان ده‌ستگیر كراون له پارێزگاى سلێمانى.
هێمن كه‌مه‌رخان، وته‌بێژى پۆلیسى دارستانى سلێمانى به SNNى راگه‌یاند، “له حه‌وت مانگى رابردووى ئه‌مساڵدا 700 دۆنم دارستان، 25 هه‌زار و 400 دۆنم پووش و پاوان و 3 هه‌زار دارى سروشتی به‌هۆى ئاگركه‌وتنه‌وه‌وه سووتاون”.
وتیشى: “47 كه‌س به تۆمه‌تى تێوه‌گلان له رووداوه‌كانى ئاگركه‌وتنه‌وه و 67ى تریش به تۆمه‌تى بڕینه‌وه‌ى دار ده‌ستگیر كراون”.
