لیژنەكەی بەغدا دەستی بە وردبینی خەرجی و داهاتی سێ مانگی رابردووی هەرێم کرد

SNN-عەلی حەمە سەعید

دوای ئەوەی لیژنەیەكی 15 كەسی لە دیوانی چاودێریی دارایی عێراق هاتنە هەرێمی كوردستان، لە ئەمڕۆوە بەهەماهەنگی لەگەڵ دیوانی چاودێریی دارایی هەرێمی كوردستان دەستیانكردووە بە وردبینیكردن لە خەرجی و داهاتی مانگەكانی چوار وپێنج و شەشی ئەمساڵ.

بەگوێرەی ئەو زانیارییانەی كە لە بەرپرسێكی وەزارەتی دارایی و ئابووری حكومەتی هەرێم بە SNNدراون ئەوەخراوەتەڕوو، لە ئەمڕۆوە ئەو لیژنە 15 كەسییەی كە لە دیوانی چاودێریی دارایی عێراقەوە هاتوونەتە هەرێمی كوردستان دەستیان بەكارەكانیان كردووە، ئەوەش بەهەماهەنگی لەگەڵ دیوانی چاودێریی دارایی هەرێمی كوردستان بەمەبەستی وردبینیكردن لە خەرجی و داهاتەكانی هەرێم.

ئاماژەی بەوەشكرد، كارەكانی ئەو لیژنەیە وردبینیكردنە لە خەرجی و داهاتی مانگەكانی چوار پێنج و شەشی ئەمساڵ، هاوكات ماوەی كاركردن و وردبینكردنی ئەو لیژنەیە دیاری نەكراوە و تا ئەوكاتەی پێویست بێت لە هەرێمی كوردستان دەمێننەوە بۆ ئەو مەوبەستەش چەند لیژنەیەكی لاوەكی پێكدەهێندرێن.

هەر لە زانیارییەكانی SNNئەوەشهاتووە بەشێك لە لیژنە 15 كەسییە وردبینی لە خەرجی و داهاتی  نەوتی و بەشێكیان وردبینی لە خەرجی و داهاتی نانەوتی دەكەن، هەروەها هەمان ئەو لیژنەیە سەردانی وەزارەت و فەرمانگەكان و پارێزگاو ئیدارە سەربەخۆكان و دەروازە سنوورییەكانیش دەكەن بەمەبەستی وردبینی داهات و خەرجییەكان.