بایدن پێش وازهێنانی، بەبەهای 8 ملیار دۆلار چەک بە ئیسڕائیل دەفرۆشێت
بایدن و ترەمپ
SNN
وەزارەتی دەرەوەی ئەمریکا، کۆنگرێسی لە پێشنیاری ڕێککەوتنی چەک بە بەهای هه‌شت ملیار دۆلار بۆ ئیسرائیل ئاگادارکردەوە، کە بەردەوامە لە شەڕ لە کەرتی غەززە، ئه‌وه‌ش بەپێی دوو سەرچاوەی ئاگادار بۆ ماڵپه‌ڕی ئەکسیۆس-ی ئەمریکی، پێدەچێت ئەوە دوا فرۆشتنی چەک بێت بە ئیسرائیل کە لەلایەن ئیدارەی بایدنەوە پەسەندکرابێت.
لە چەند مانگی ڕابردوودا بنیامین ناتانیاهۆ، سەرۆکوەزیرانی ئیسرائیل و لایەنگرانی تۆمه‌تی ئه‌وه‌یان ده‌خسته پاڵ بایدن كه “قەدەغەکردنی بێدەنگی” لەسەر فرۆشتنی چەکی ئەمریکا بە ئیسرائیل سەپاندووە.
کاروانی هاووکارییەکانی ئەمریکا بۆ ئیسڕائیل پێکدێت لە، چەندین تۆپهاوێژی، 155 ملم، مووشەکی فرۆکە و هێلیکۆپتەر، مووشەکی دوور مەودا، لەگەڵ چەندین کەرەستەی سەربازی تر، کە لە گرێبەستەکەدا روونەکراوەتەوە.
