قوباد تاڵەبانی: ئەم رێککەوتنە دەستکەوتێکی گەورەیە بۆ خەڵکی کوردستان و عێراق

SNN-

قوباد تاڵەبانی، جێگری سەرۆکوەزیرانی هەرێمی کوردستان راگەیەندراوێکی لەبارەی رێککەوتنی هەولێر و بەغداد بڵاوکردەوە و دەڵێت
ئەم رێککەوتنە دەستکەوتێکی گەورەیە بۆ خەڵکی کوردستان و عێراق و دەرگا دەکاتەوە لەسەر چارەسەرکردنی بنەڕەتی هەموو کێشە و ناکۆکییەکانی دیکەمان بەپێی دەستوور و لەڕێی گفتوگۆ و دانووستانی بەردەوامەوە.

هەروەها قوباد تاڵەبانی، دەشڵێت، لە دوای ئەم رێککەوتنە، هەوڵەکانمان چڕتر دەکەینەوە بۆ دابینکردن و گەرەنتیکردنی هەموو ماف و شایستە داراییەکانی خەڵکی کوردستان، چونکە دوای ساڵانێکی زۆر لە قەیران و ناکۆکی، ئێستا کاتی خزمەتگوزاری و ئاوەدانکردنەوە و کارکردنی هەمەلایەنە بۆ گەشەپێدانی هەرێمی کوردستان و عێراق لە هەموو روویەکەوە.

لە راگەیەندراوەکەدا ئاماژەی بەوەشکردووە، “زۆر سوپاسی تیمەکانی دانووستانکار و ئەو کەس و لایەنانە دەکەم کە بەردەوام هاوکار و پشتیوانی گەورە بوون بۆ سەرکەوتنی دانووستانەکان و بەبێ ئەوان ئەم دەستکەوتە گرنگە بەدی نەدەهات.”