بافڵ جەلال تاڵەبانی پێشوازی لە باڵیۆزی ئیتاڵیا کرد

SNN

بافڵ جەلال تاڵەبانی، سەرۆکی یەکێتیی نیشتمانیی کوردستان، لەگەڵ باڵیۆزی ئیتاڵیا لە عێراق کۆبووەوە و دۆخی سیاسی و پەیوەندییە دووقۆڵییەکانیان تاوتوێ کرد.
گفتوگۆ لەسەر دۆخی گشتی.

لە دیدارەکەدا کە لە هەولێر بەڕێوەچوو، گفتوگۆ لەبارەی دوایین پێشهات و گۆڕانکارییەکانی هەرێمی کوردستان، عێراق و ناوچەکە کرا.
پەیامی بافڵ جەلال تاڵەبانی.

سەرۆکی یەكێتی نیشتمانی کوردستان رایگەیاند، “بە کاری پێکەوەیی لەم قۆناغەدا دەتوانین زاڵبین بەسەر ئاستەنگەکان و خزمەتی خەڵکەکەمان باشتر بکەین.”
پەرەپێدانی پەیوەندییەکان.

تەوەرێکی دیکەی کۆبوونەوەکە، پەرەپێدانی پەیوەندییەکانی نێوان هەرێمی کوردستان و ئیتاڵیا بوو، بە تایبەتیش لە بواری وەبەرهێناندا.