فراکسوێنی نەوەی نوێ: پابەندی هەر بڕیارێک دەبین کە لەلایەن سەرۆکی جوڵانەوەکەوە دەدرێت

SNN-

ئەمڕۆ هەینی، دەستەی بەڕێوەبردنی جوڵانەوەی نەوەی نوێ لەگەڵ فراکسیۆنی جوڵانەوەکە لە پەرلەمانی کوردستان کۆبووەوە. لە کۆبوونەوەکەدا گفتوگۆ لەبارەی دۆخی هاوڵاتییان، کێشەی مووچە و شێوازی چاودێریکردنی حکومەت کرا.

پرۆژەیەکی هاوبەش لەنێوان هەرێم و بەغدا

لە ئەنجامی کۆبوونەوەکەدا ڕاگەیەندرا کە هەردوو فراکسیۆنی نەوەی نوێ لە هەرێم و بەغدا، بە هاوبەشی پرۆژەیەکی تۆکمەیان ئامادەکردووە.
چارەسەری یەکجارەکی و میکانیزمی چاودێری

ئامانجی سەرەکیی پرۆژەکە، چارەسەرکردنی یەکجارەکیی کێشەی مووچە و داهاتی هەرێمی کوردستانە. هەروەها دانانی میکانیزمێکی تایبەتە بۆ چاودێریکردنی ئەو داهاتانە لە چوارچێوەی یاسای بودجەی گشتیدا.

پابەندبوون بە بڕیارەکانی سەرۆکی جوڵانەوەکە

هاوکات، فراکسیۆنی نەوەی نوێ لە پەرلەمانی کوردستان جەختیانکردەوە کە بە تەواوی پابەندی هەر بڕیارێک دەبن کە لەلایەن جوڵانەوەکە و سەرۆکی جوڵانەوەکەوە (لە زیندانەوە) دەدرێت.