وەزارەتی کشتوکاڵ: لە کۆی 25 بەنداو لە هەرێمی کوردستان 22 بەنداویان سەرڕێژ بوون

SNN

وەزارەتی کشتوکاڵ و سەرچاوەکانی ئاوی هەرێمی کوردستان دڵنیایی دەدات لەوەی کە بەهۆی ڕێژەی بەرزی بارانبارینی ئەمساڵەوە، هەرێمی کوردستان لە قۆناغێکی سەلامەتی ئاسایشی ئاودایە و بڕێکی ئێجگار زۆر ئاو لە بەنداو و پۆندەکاندا کۆکراوەتەوە.

هیوا عەلی، وتەبێژی وەزارەتی کشتوکاڵ و سەرچاوەکانی ئاو ڕایگەیاند کە لە کۆی 25 بەنداوی گەورە، مامناوەند و بچووک لە هەرێمی کوردستاندا، 22 بەنداویان بەهۆی زۆریی ڕێژەی بارانەوە بە تەواوی پڕ بوون و سەرڕێژیان کردووە.

سەبارەت بە سێ بەنداوە گەورەکەی تریش، وتەبێژەکە ئاماژەی بەوە کرد کە ئاستی ئاوی بەنداوەکانی (دوکان، دەربەندیخان و گۆمەسپان) بە شێوەیەکی بەرچاو زیادی کردووە، بەڵام بە هۆکاری کاریگەریی وشکەساڵییەکانی ساڵانی ڕابردوو، هێشتا نەگەیشتوونەتە ئاستی سەرڕێژکردن.