دابەشکردنی مووچەی مانگی ئاب لە هەرێمی کوردستان دەستپێدەکات

SNN-

وەزارەتی دارایی و ئابووری حکومەتی هەرێمی کوردستان خشتەی دابەشکردنی مووچەی مووچەخۆران و فەرمانبەرانی بۆ مانگی ئابی 2026 بڵاوکردەوە، و پرۆسەکە لەمڕۆ سێشەممەوە دەستپێدەکات.

بە پێی خشتەکەی وەزارەتی دارایی ئەمڕۆ سێشەممە 15-ی ئەیلوولی 2026 مووچەی خانەنشینانی سەربازی و شارستانی دابەش دەکرێت.

هەروەها سبەینێ چوارشەممە 16ی ئەیلوولی 2026 مووچەی زیندانیانی سیاسی، بەکەوتووانی چەکی کیمیایی، کەسوکاری شەهیدان و ئەنفالکراوان، لەگەڵ وەزارەتەکانی (خوێندنی باڵا و توێژینەوەی زانستی، تەندروستی، و پەروەردە) درا بە فەرمانبەرانیان.

پێنجشەممە 17-ی ئەیلوولی 2026 مووچەی دەستە و دەزگا حکومییەکان، خاوەن پێداویستییە تایبەتەکان، ناوچەکانی دەرەوەی ئیدارەی هەرێم، کۆمسیۆنی باڵای هەڵبژاردن، سەرۆکایەتییەکانی هەرێم، پەرلەمان و ئەنجومەنی وەزیران، و سەرجەم وەزارەت و فەرمانگە خزمەتگوزارییەکانی دیکە دابەش دەکرێت.