ئاگر لە کۆگای دەرمانی نەخۆشخانەی گشتیی کەرکوک کەوتەوە
SNN
ئێوارەی ئەمڕۆ هەینی ئاگر لە کۆگایەکی هەڵگرتنی دەرمان و پێداویستی تەندروستی لە نەخۆشخانەی گشتیی کەرکوک کەوتەوە و بڕێکی زۆر لە پێداویستییەکان سوتان.
دوای گەیشتنی تیمەکانی ئاگرکوژێنەرەوە توانرا ئاگرەکە کۆنتڕۆڵبکرێت، بە گوێرەی خەمڵاندنەکانی تەندروستیی کەرکوک، سوتانی ئەو کۆگایە کاریگەریی نابێت لەسەر دابینکردنی پێداویستیی پزیشکی بۆ تووشبووانی کۆرۆنا.
ئەو کۆگایەی کە سوتا یەکێکە لەو 10 کۆگایەی کەرکوک کە دەرمان و پێداویستیی تەندروستی لێهەڵدەگیرێت، کۆگاکەش لە بینایەکی جیادایە و لەناو نەخۆشخانەی گشتیی کەرکوک نییە.
بەپێی زانیارییە سەرەتاییەکان، ئاگرەکە بەهۆی شۆڕتی کارەباوە بووە و بەنزیکەیی لەسەدا 50ی پیداویستییە پزیشکییەکان ئاگری بەرکەوتووە.
نەخۆشخانەی گشتی کەرکوک ماوەی دوو مانگە تایبەتکراوە بە چارەسەرکردنی نەخۆشانی کۆرۆنا.
