داهاتووی پیکێ لەگەڵ بەرشەلۆنە یەکلایی دەبێتەوە

SNN Sport

جێرارد پیکێ بەرگریکاری یانەی بەرشەلۆنە، لە وەرزی داهاتوو  لە یانەکەی دەمێنێتەوەو ریزەکانی یانەی بەرشەلۆنە جێناهێڵێت.

کەناڵی کواترۆی ئیسپانی بڵاویکردووەتەوە، لە لایەن کومانی راهێنەری یانەی بەرشەلۆنەوە، پیکێ ئاگادار کراوەتەوە پشتی پێدەبەستێت و  ئەو راهێنەرە دەیەوێت بەرگریکارەکەی بمێنێتەوە، ئەمەش پاش بڵاوبوونەوەی دەنگۆی چوونی لە یانەی بەرشەلۆنە.

پیکێ لە دوای دۆڕانەکەی بەرامبەر بە بایرن میونخ، بە میدیاکانی راگەیاندبوو، ئەگەر یانەی بەرشەلۆنە بیەوێت دەستبەرداری ببێت، ئەوا ریزەکانی بەرشەلۆنە جێدەهێڵێت، ئەو یاریزانە داوای دەستلەکارکێشانەوەی بەشێک لە ئیدارەی یانەکەی کردبوو، کە هۆکاربوون بۆ شکستی یانەکە لەم وەرزە.

پیکێی تەمەن 33 ساڵ، 45 یاری لەم وەرزەی خولەکانی ئەوروپا ئەنجامداو 3986 خولەکیش یاری کرد.