کازمی نامەیەک ئاراستەی سەرۆکی سوریا دەکات

SNN

سەرچاوەیەکی بەرپرس لە ئەنجومەنی وەزیرانی عێراق ئاشکرایکردووە “سەرۆکی دەستەی حەشدی شەعبی بەسەردانێکی پێشتر رانەگەیەنراو گەیشتۆتە سوریا و چاوی بە سەرۆکی ئەو وڵاتە کەوتووە”.

سەرچاوەکە ئاشکرایکردووە کە فالح فەیاز لە سەردانەکەیدا نامەیەکی مستەفا کازمی سەرۆکوەزیرانی عێراقی داوەتە دەست بەشار ئەسەد سەرۆکی سوریا.

سەرچاوەکە باسی ناوەڕۆکی نامەکەی نەکردووە کە چی تێدا نووسراوە و لەدوای وەرگرتنی پۆستەکەشی، کازمی یەکەمجارە نامە ئاراستەی سەرۆکی سوریا دەکات.

ناردنی ئەو نامەیە بۆ ئەسەد لەکاتێکدایە کە لە ماوەی رابردوودا مستەفا کازمی سەرۆکوەزیرانی عێراق سەردانی هەریەک لە وڵاتانی ئێران و ئەمریکا و ئوردونی کردبوو.

مستەفا کازمی، سه‌رۆكوه‌زیرانى عێراق دوێنێ سێشەممە گەیشتە عەمانی پایتەختی ئوردون بە مەبەستی بەشداریکردنی لە کۆبوونەوەی لوتکەی سێقۆڵی لەگەڵ شای ئوردون، عەبدوڵای دووەم و سەرۆکی میسڕ عەبدولفەتاح سیسی.