هاوسەرۆکی یەکێتی و سەرۆککۆماری عێراق کۆبوونەوە
وێنەی کۆبوونەوەکە
SNN
ئەمڕۆ پێنجشەممە لە شاری بەغدا لاهور شێخ جەنگی هاوسەرۆکی یەکێتیی نیشتمانیی کوردستان لەگەڵ بەرهەم ساڵح سەرۆککۆماری عێراق کۆبووەوە.
لە کۆبوونەوەکەدا باسی دوایین پێشهات و گۆڕانكارییە سیاسییەكان کراوە لە عێراق و هەرێمی كوردستان و سەردانەکەی سەرۆکی فەڕەنساش تاوتوێکراوە.
لەبارەی ناوەڕۆکی کۆبوونەوەکەوە هاوسەرۆکی یەکێتی دەڵێت: “پێکەوە شەنوکەوی دوایین پێشهات و گۆڕانكارییە سیاسییەكانمانکرد لە عێراق و هەرێمی كوردستان”.
دەشڵێت: “بە بایەخەوە باسمان لە سەردانەكەی ئیمانوێل ماكرۆن سەرۆكی فەڕەنسا بۆ عێراق کرد و هەوڵەکانیمان بەگرنگ نرخاند بۆ لێك نزیككردنەوەی بیروڕا جیاوازەكان لە عێراق”.
ئاماژەی بەوەشکردووە “جەختمان لەسەر چارەسەركردنی كێشەكانی نێوان حكومەتی هەرێم و حكومەتی بەغدا لەسەر بنەمای دەستوور كردووەتەوە كە تیایدا مافەکانی کورد لەبەرچاو بگیرێت و کێشەی بودجە و مووچەی مووچەخۆرانی هەرێم چارەسەر بکرێت”.
ئیمانوێل ماکرۆن چوارشەممە بە سەردانێک گەیشتە بەغدا.
