عهدنان دهرجال:ئهو بێسهروبهرییهی ئێستا ههیه خزمهتی وهرزش و وهرزشكاران ناكات
عەدنان دەرجال
حسین کەرکوکی- SNN Sport
عهدنان دهرجال وهزیری لاوان و وهرزشی عێراق گرنگی رێكخستنی كارگێڕی و دارایی بۆ له ناوبردنی بێسهروبهری له یهكێتی و یانه وهرزشییهكان دووپات كردهوه و روونیكردهوه كه ئهو بێسهروبهرییهی له ئێستادا ههیه خزمهت به وهرزشكاران ناكات.
بهیاننامهیهكی نوسینگهی عهدنان دهرجال ئاشكرایكرد كه ” ناوبراو له بارهگای وهزارهت پێشوازی ژمارهیهك له نوێنهری یانهكانی خولی نایابی تۆپی دهستی عێراقی كرد کە بریتیبوون لە ( دیالا ، فتوه ، دهغاره ، سلێمانی ، كوت ، كهربهلا ، جهیش و شورته ) به ئامادهبوونی بهرێوهبهری گشتی فهرمانگهی پهروهردهی جهستهیی و وهرزش ، له دیدارهكه گفتوگۆ له سهر ژمارهیهك بابهتی تایبهت به چالاكییهكانی داهاتووی یهكێتیی تۆپی دهست كرا و رێگاكانی پاڵپشتیكردنی بۆ بهردهوام بوونی کرا “.
به پێی بهیاننامهكه دهرجال له سهر گرنگی پرۆسهی رێكخستنی كارگێری و دارایی یهكێتی و یانهكان دووپاتی كردووەتهوه کە دهبێته هۆكار بۆ له ناوبردنی ئهو بێسهروبهرییهی له ئێستادا ههیه كه خزمهتی وهرزش و وهرزشكاران ناكات ، له ههمان كاتدا بوار دهرەخسێنێت بۆ وهرزشكاری شیاو كه خاوهن ئامرازی سهركردایهتی كردنه پێگهی راستهقێنهی خۆی وهرگرێت “.
ههروهها وتی :” پێویسته له سهرمان سوود له ئهزمون و توانا ناوخۆییهكان كه له دهرهوه و ناوهوهن وهربگرین ، چونكه قۆناغی داهاتوو ئهوه دهخوازێت و دهبێت ههمووان رۆڵی راستهقینهی خۆیان ببینن”.
له كۆتاییدا وتی:” رێكخستنی كاری یهكێتییه وهرزشییهكان دهبێته پرۆسهی چاكسازی راستهقینهو پلان بۆ ئهوه دادەنێین، چونكه ئهم ههنگاوه وامان لێدهكات ههنگاوی تر بنێین بۆ بهردهوامبوون لهو رێبازەی ههوڵ دهدین جێبهجێیبكهین له پێناو وهرزش و لاوانی باشتر”.
