هەورامانی ڕۆژهەڵات دەخرێتە ڕیزبەندی شوێنەوارەكانی یونسكۆ
SNN-عەلی حەمە سەعید
بەهۆی تایبەتمەندی ناوچەكە لەڕووی زیندوو هێشتنەوەی كەلتور و بونی دەیان جێگای شوێنەواری دێرین و پاراستنیان لە مەترسی لەناوچوون، ڕێكخراوی جیهانی یونسكۆ، كارەكانی خستنە ناو لیستی ڕیزبەندی هەورامانی تەختی لە شوێنەوارەكانی جیهان بە كۆتا گەیاندووە زیندووە، ڕۆشنبیرانیش ئەم هەنگاوە بۆ زیاتر ناساندنی هەورامان بە گرنگ و پێوست باس دەكەن.
تاڵب نیهاد پور، یەكێك لە ڕۆشنبیران و شارەزایانی بواری شوێنەوار ناسی لەڕۆژهەڵاتی كوردستان بە SNNی ڕاگەیاند: ماویەكی زۆرە لە لایەن كۆمەڵێك لە دڵسۆزنی كەلەپور و شوێنەوارناسانی هەورامانی تەخت هەوڵەكانیان دەستپێكردووە بۆ ئەوەی لەگەڵ ڕێكخراوە جیهانییەكان پەیوەندی دروست بكەن بۆ ناساندنی هەورامان وەك شوێنەوارێكی جیهانی، خۆشبەختانە تاواندرا كە ڕێكخراوی جیهانی یونسكۆ بهێندرێتە پێشەوە و لە نزیكەوە چەند كارمەندێكیان بنێرنە سنورەكە بۆ هەڵسەنگاندنی داواكاری ئەو ڕۆشنبیرانەی هەورامان بە تۆماركردنی هەورامان وەك یەكێك لە شوێنەوارەكانی یونسكۆ.
ئاماژەی بەوەشكرد، “ئێمە بەردەوام پەیوەندیمان لەگەڵ بەرپرسانی فەرهەنگ و كەلتوری سنوری ناوچەی هەورامان هەیەو لە نوێترین زانیاریشدا ئەوەیە كە كارمەندانی یوسكۆ كاتێك سەردانی ناوچەكەیان كردووە سەرسوڕمانی خۆیان نیشانداوە بەو دیمە جوانە كەلتوریی و شوێنەوارییەی كە خەڵكی هەورامان بە سەدان ساڵە پاراستویانە وەك خۆی هێشتویانەتەوە تێكەڵ بە شارستانی نوێیان نەكردووە لەڕووی بیناسازییەوە.
ئەو ڕۆشنبیرەی ناوچەی هەورامانی ڕۆژهەڵاتی ئەوەشی خستەڕوو، ئەو ئەندامانەی ڕێكخراوی یونسكۆ كە سەردانی ناوچەكەیان كردووە ڕاپۆرتی خۆیان نوسیوە بۆ بەرپرسانی باڵای ڕێكخاوەكە و تەنها ئەوەماوە كە بڕیاری كۆتایی لێوە بدرێت، بەڵام بە گوێرەی بەدواچونەكانی ئێمە هەورامانی تەخت هەموو ئەو تایبەتمەندییانەی تێدا بوو كە دەبێت لە هەر شوێنێك بوونی هەبێت وەك یەكێك لە ناوچە شوێنەوارییەكانی یونسكۆ تۆمار بكرێت، ئەمەش زۆر گرنگە بۆ زیاتر ناساندنی كوردستان بەگشتی و هەورامان بە تایبەتی لە ناوەندە نێودەوڵەتییەكان و سەردانیكردنی گەشتیاران بۆ ئەو ناوچانە لە وڵاتانی دیكەی جیهانەوە.
