لە گەرمیان هیچ خوێندنگایەکی حکومی دەوامی تێدا نەکرا
SNN-سیروان حهسهن
ههرچهنده لهسهر بڕیارى حكوومهتى ههرێم بریاربوو ئهمرۆ دهوامى قوتابخانهكان بۆ قۆناغهكانى یهك و دووى بنهڕهتى بكرێتهوه، بهڵام له سنوورى گهرمیان هیچ خوێندنگایەکی حكومى نهكرایهوه و بایكۆتى دهوامیان كردووه. له لایهكى دیكهوه بریاره سبهى قوتابخانه ئههلییهكان دهست بهدهوام بكهن.
دارا ئهحمهد بهرێوهبهرى گشتى پهروهردهى گهرمیان به SNNی راگهیاند: وهكو پهروهردهى گهرمیان ئامادهكارى كردووه بۆ كردنهوهى دهرگاى قوتابخانهكان به رووى خوێندكاراندا بۆ خوێندنى ساڵى نوێى 2020-2021، بهڵام لهبهر بایكۆتى مامۆستایان دهوام نهكراوه.
وتیشى: پشتگیرى له داواكارى مامۆستایان دهكهین له رووى دابینكردنى مووچه و مافهكانیان و داواكارین له حكومهتى ههرێم چارهسهر بۆ ئهو بارودۆخه بدۆزێتهوه بۆ ئهوهى بتوانرێت به رێكوپێكى دهوامى قوتابخانهكان بكرێنهوه و خوێندكارانیش بێ بهش نهبن له دهوامكردن.
له سنوورى گهرمیان هیچ قوتابخانهیهك نهكراوهتهوه و مامۆستایانى نارازیش له بهیاننامهیهكدا جهخت له بایكۆتى قوتابخانهكان دهكهنهوه تاوهكو ئهو كاتهى شایسته داراییهكانیان پێدهدرێت له كاتى خۆیدا. هاوكات پێشتر یهكێتى مامۆستایانى كوردستانى لقى گهرمیان له بهیاننامهیهكدا ئهوهیان خستهڕوو ئهگهر حكومهت مانگانه و به بێ لێبڕین مووچه دابهش نهكات و پله بهرزكردنهوه و چهند داواكارییهكى دیكهى مامۆستایان جێبهجێ نهكات ههڵوێستیان دهبێت.
لەگهڵ داخستن و بایكۆتى قوتابخانهكان بڕیاره سبهینێ له سنوورى گهرمیان قوتابخانه ئههلییهكان دهست به دهوامى ئاسایى خۆیان بكهن بۆ ههردوو قۆناغى یهك و دووى بنهڕهتى و قۆناغهكانى دیكهش به شێوهى ئۆنلاین دهبێت.
