یانهی خاك تیپی تازهپێگهیشتووانی بۆ نایابی كوردستان ئاماده دهكات
تاقیکردنەوەی یاریزانان لە لایەن یانەی خاکەوە
حسێن كهركوكی-SNN Sport
یانهی خاكی شاری کەرکوک یهكهم ههنگاوی بۆ ئامادهكردنی تیپی تازه پێگهیشتووانی بۆ خولی نایابی كوردستان دهستپێكردوو تاقیکردنەوەی پراکتیکی بە یاریزانان ئەنجام دەدات.
دلێر عومهر راهینهری تیپی تازهپێگهیشتووانی یانهی خاك له لێدوانێكیدا بۆ ( SNN Sport )وتی:” دوای دیاریكردنی وادهی بهرێوهچوونی خولی نایابی تازهپێگهیشتووانی کوردستان ، دهستهی كارگێڕی یانهی خاك متمانهی بهخشییه بهنده وهك راهێنهر و ههریهك له ئهحمهد خۆرشید و بهشدار محهمهد وهكو یاریدهدهری راهێنهر و هێمن عهلی وهك كارگێری تیپ دەستبەکار دەبن”.
ههروهها وتی:” ههنگاوی یهكهممان ئهنجامدانی تاقیكردنهوهیە بۆ ئهو یاریزانانهی دهیانهوێت درێسی تیپهكه بپۆشن كه له دایكبووی 2004 و ماوهی یهك ههفته دهخایەنێت “.
وتیشی:” بههۆی وادهی دهستپێكردنی خولهكه و رێكاره تهندروستییهكان بۆ سوود وهرگرتن له كات ، رۆژانی تاقیكردنهوهكان به یهكهی راهێنانیش ئهژمار دهكهین”.
ئهو راهێنهره ئهوهشی خستهروو كه سوودیان له یاریزانانی فێرگهی تۆپی پێی یانهكه بینیوه و نزیكهی 12 یاریزانیان سهرخستووه بۆ تیپهكه”.
له كۆتاییدا دلێر عومهر وتی:” پاش دیاریكردنی پێكهاتهی سهرهكی تیپهكه چهند یارییهكی دۆستانه ئهنجام دهدهین بۆ وهستان له سهر ئامادهیی یاریزانان پێش چوونه نێو ركابهرییهكانی خولهكه “.
