کوشتارگەکەی سەڵاحەدین… کازمی باسی ئۆپراسیۆنێکی سەربازی دەکات

SNN

پاش رفاندنی 12 گەنج و دواتر گولـلە بارانکردنیان لە قەزای فەرحاتیەی سەربە شارۆچکەی بەلەد لە پارێزگای سەڵاحەدین، سەرۆکوەزیرانی عێراق لە سەردانێکیدا باسی ئەوەیکردووە کە ئۆپراسیۆنێک لەو سنوورە دەستپێدەکەن.

کازمی دوای سەردانی بۆ پارێزگاکە فەرمانیکردووە بە پێکهێنانی لیژنەیەکی لێکۆڵینەوە و ئاشکرایکردووە کە چەند تۆمەتبارێکی ئەو کوشتارگەیە دەستگیر کراون.

وتیشی: “بەهیچ شێوەیەک رێگە بە سەرهەڵدانەوەی تایەفەگەریی نادەن و لێپێجینەوە لە کەمتەرخەمی رووداوەکانی ئەمدواییە دەکرێت”.

نیوەڕۆی دوێنێ شەممە لیوا قندیل جبوری فەرماندەی پۆلیسی سەڵاحەدین رایگەیاند “تەرمی 8 کەسیان دۆزیوەتەوە لە قەزای فەرحاتیەی سەربە شارۆچکەی بەلەد و تائێستا تەرمی 4 یان دیار نییە کە خۆیان 12 رفێنراو بوون”.

رووداوەکە چەند چەکدارێکی نەناسراو ئەنجامیانداوە و پاش رفاندنیان بە گولـلە سەر و سنگیان پێکراوە.

وێنەی قوربانییەکان