دهوامى زانكۆى كهركوك لهناو كهمپهس دهستپێدهكاتهوه
زانكۆى كهركوك له پارێزگاى كهركوك له عێراق | فۆتۆ: IraqakHbar
SNN – سیروان حهسهن
زانكۆى كهركوك رایگهیاند: مانگى داهاتوو دەوامی فهرمى زانكۆكهمان بهشێوازى دهوامكردن لهنێو كهمپى زانكۆ دهستپێدهكات، ئاماژه بهوهشدهكهن: “بۆ سهلامهتى خوێندكارانیش زیاتر له 20 خوێندكار له پۆلێكدا دانانرێن”.
سهباح ئهحمهد، سهرۆكى زانكۆى كهركوك ئهمڕۆ چوارشهممه له كۆنگرهیهكى رۆژنامهوانیدا رایگهیاند: “مانگى داهاتوو له 6ى كانوونى یهكهم، دهوامى فهرمى له زانكۆى كهركوك دهستپێدهكات و دهوامكردن لهناو زانكۆ (ناو كهمپهس) دهبێت”.
وتیشى: “كردنهوهى دهوام به گرتنبهرى خۆپارێزى و جێبهجێكردنى رێنماییه تهندروستییهكان دهبێت لهلایهن خوێندكاران و مامۆستایانیشهوه، ههروهها بۆ پاراستنى خوێندكاران و بڕیاریانداوه 20 خوێندكار له هۆڵێكى وانهوتنهوه دابنرێن و رێژهى قهرهباڵغى كهمبكهنهوه”.
سهرۆكى زانكۆى كهركوك باسی لهوهشكرد: “دڵنیاین لهوهى جیاكردنهوهى خوێندكاران و كهمكرنهوهى رێژهكهیان له هۆڵهكانى وانهوتنهوه گرفتمان بۆ دروست دهكات، بهڵام ههوڵى جددى دهدهن بۆ ئهوهى بتوانن پرۆسهى خوێندن بهردهوامى ههبێت”.
