بەهای نەوت بە رێژەیەکی بەرچاو بەرزبووەتەوە

SNN

لەپاش راگەیاندی ڤاکسینی کۆرۆنا لە چەند رۆژی رابردوودا، بەهای نەوت رۆژانە بەردەوامە لە بەرزبوونەوەو راپۆرتێک ئاماژە بە کەمبوونەوەی نەوتی عەمبنارکراوی ئەمریکا دەکات کە ئەمیش دووبارە کاریگەری کردۆتەوە سەر بەرزبوونەوەی بەهای نەوت.

لەکاتی ئێستادا بەهای بەرمیلێک نەوتی برێنت بە 45.11 دۆلارەو بەهای بەرمیلێک نەوتی خاوی تێکساسیش گەیشتۆتە، 42.90 دۆلار، راپۆرتێکی سایتی رۆیتەرز ئاشکرای کرد کە نەوتی عەمبارکراوی ئەمریکا 5.1 ملیۆن بەرمیل کەمی کردووە، ئەمەش بەهۆی خواستی بەردەوامی بازاری ئەمریکی و کەوتنەوەکاری کارگە زەبەلاحەکانی ئەو وڵاتە.

پاش ئەوەی کۆمپانیای فایزەری ئەمریکی لە چەند رۆژی رابردوودا ئاشکرای کرد کە ڤایسکی کۆرۆنایان دۆزیوەتەوەو کارگەری لە 90%ی لەسەر ڤایرۆسەکە هەیە، لەو کاتەوە بەهای نەوتی خاو بەرێژەی 13% بەرزبۆتەوە جۆرێک لە 38 دۆلارەوە بەرزبۆتەوە بۆ 45 دۆلار.