سایلۆى كهلار له تهواوبوندایه و پێویستى به دامهزراندن ههیه
سایلۆی کەلار، وێنە: SNN
SNN-سیروان حهسهن
پرۆژهى دروستكردنى سایلۆى كهلار 90 له سهدى كارهكانى تهواو بووه و تواناى ههڵگرتنى 40 ههزار تۆن دانهوێڵهى ههیه. به وتهى بهڕێوهبهرى گشتى كشتوكاڵى گهرمیان سایلۆكه خزمهتى بهرچاو به ناوچهكه دهكات و پێویسته حكومهت ستافى بۆ دابمهزرێنێت.
سەلام حەمید ئەندازیاری سەرپەرشتیاری پرۆژەی سایلۆی كەلار به SNNی راگهیاند: دروستكردنى پرۆژهكه لەسەر بودجەی وەبەرهێنان بەگوژمەی 20 ملیار و 500 ملیۆن دینار چوەتە بواری جێبەجێكردنەوە و تائێستاش كاركردن لە پرۆژەكە بەردەوامە و 90 له سهدى كارەكانی تەواو بووە.
وتیشى: پرۆژەكە پێكهاتووە لە 16 شوێنی عەمباركردنی گەنم و دانهویڵه كە توانای هەڵگرتنی 40 هەزار تەن گەنمی هەیە و هەروەها پێنج كۆگای گەورە و سێ قەپان بۆ كێشكردنی گەنمی تێدا دروستكراوە، لەگەڵ رێگاسازی پرۆژەكە. پرۆژهكهبه شێوهیهكه كاركردنى و ئیدارەدانی بە سیستمێكی ئەلیكترۆنی پێشكەوتوو دەبێت.
شادیه حوسێن بهرێوهبهرى گشتى كشتوكاڵى گهرمیان به SNNی راگهیاند: ئهو پرۆژهیه پێشتر گرفتى بۆ دروستبوو، بهڵام ههموو ههوڵێكماندا بۆ ئهوهى بتوانین بخرێته بوارى جێبهجێكردنهوه و گهرمیانیش ببێته خاوهن سایلۆى خۆى كه پێویستیهكى زۆر گرنگه بۆ سنوورهكه چونكه گهرمیان ناوچهیهكى بهرفراوانى كشتوكاڵى ههیه.
وتیشى: له ئێستادا كه كارهكانى تهواوبووه و تواناى ههڵگرتنى 40 ههزار تهن بهرههمى دانهویڵهى ههیه، هاوكات له تهنیشت سایلۆكهش دهتوانن 40 ههزارى تر گهنمو جۆ وهربگرن و بهمشێوهیهش گهرمیان گرفتى وهرگرتنى دانهوێڵهى نامێنێت.
شادیه حوسێن ئاماژهى بهوهشدا: پرۆژهكه تهواوبووه و چهند كارێكى هونهرى ماوه و پێویسته حكومهت ستافى تایبهت له بهرێوهبهر و فهرمانبهرى بۆ دابمهزرێنێت ئهو كات حكومهت بڕیار دهدات دهبێته سایلۆیهكى سهربهخۆ یان دهیبهستێتهوه به سایلۆكانى سنوورى پارێزگاى سلێمانییهوه.
