داعش له خورماتوو په‌لامارى حه‌شدى شه‌عبى ده‌دات
حەشدی شەعبی
SNN- سیروان حه‌سه‌ن
له قه‌زاى خورماتوو چه‌كدارانى دعش به چه‌كى قه‌ناس په‌لامارى چه‌كدارانى حه‌شدى شه‌عبى ده‌ده‌ن و چه‌كدارێك برینداره و شه‌ڕ و پێكدادان ده‌ستىپێكردووه.
حسێن عه‌لى بەڕێوه‌به‌رى پۆلیسى خورماتوو بهSNNى راگه‌یاند “كه‌مێك له‌مه‌وبه‌ر له گوندى بۆستاملى نزیك خورماتوو چه‌كدارانى داعش په‌لامارى حه‌شدى شه‌عبییان داوه كه له ناوچه‌كه‌دا جێگیربوون”.
وتیشى: “چه‌كداره‌كانى داعش به‌چه‌كى قه‌ناس چه‌كدارێكى حه‌شدى شه‌عبییان بریندار كردووه و دواتر له لایه‌ن چه‌كدارانى حه‌شده‌وه رووبەڕووى چه‌كداره‌كان بوونه‌ته‌وه”.
وتیشى: “ئه‌و ده‌نگۆیانه دوورن له راستییه‌وه باس له ته‌قینه‌وه‌ى بۆمب و كوژرانى سێ چه‌كدارى حه‌شدى شه‌عبى ده‌كه‌ن”.
