تاكه‌ر دڵخۆش نیه‌ به‌ گرێبه‌سته‌ نوێیەکەی

SNN Sport

رۆژنامه‌ی ( The Athletic) ئاشكرایكرد كه‌ پی جی تاكه‌ر یاریزانی تیپ باسکەی هیوستن رۆكێتس دڵخۆش نیه‌ به‌گرێبه‌سته‌كه‌ی ئێستای كه‌ له‌گه‌ڵ تیپه‌كه‌ی واژووی كردووه‌.

تاكه‌ر كه‌ خاڵێكی به‌هێزی تیپه‌كه‌ بوو له‌ وه‌رزی رابردووی رابیته‌ی نیشتمانی تۆپی باسكه‌ی ئه‌مریكا، رازی نیه‌ له‌و شێوازەی‌ كه یانەی‌ هیوستن هه‌ڵسوكه‌وتی كردووە له‌گه‌ڵ داواكارییه‌كه‌ی بۆ به ‌ده‌ستهێنانی گرێبه‌ستێك به‌هاكه‌ی به‌رزتر بێت ، سه‌رباری ئه‌وه‌ی كه‌ ئه‌و داوای درێژكردنه‌وه‌یه‌كی بۆ ماوەیەکی زیاتر لە ساڵێک دەویست، به‌ڵام تیپه‌كه‌ ره‌زامه‌ندبوو له‌ سه‌ر گرێبەستێک بۆ ماوه‌ی یه‌ك وه‌رز (2020-2021) به‌ به‌های 7,9 ملیۆن دۆلار.

ئه‌مه‌ش به‌واتای ئه‌وه‌ی كه‌ تاكه‌ر ده‌بێته‌ یاریزانێكی سه‌ربه‌ست له‌ ساڵی 2021 و دەتوانێت یانەکەی جێبهێڵێت.