لێدوانی سکالۆنی لەسەر یەکسانبوونی ئەرجەنتین بە پاراگوای

SNN Sport

لە پاڵاوتنەکانی ئەمریکای باشوور بۆ گەیشتن بە مۆندیالی 2022ی قەتەر، هەردوو هەڵبژاردەی ئەرجەنتین و پاراگوای بەرەبەیانی ئەمڕۆ لە یاریگای لابۆمبۆنێرا رووبەڕووی یەکبوونەوە و لە ئەنجامدا 1-1 یەکسانبوون.

لێدوانی سکالۆنی لەسەر یەکسانبوونی ئەرجەنتین بە پاراگوای

دوای یاریەکە سکالۆنی راهێنەری هەڵبژاردەی ئەرجەنتین بەشداری لە کۆنگرەیەکی رۆژنامەوانی کردوو وتی:” دەبێت ڤار ستاندار بکرێت، نازانم بە ئەنقەست بوو یان نا ،بەڵام یاریزانێکمان لە دەستدا، لە 15 خولەکی سەرەتا تیپەکە بە باشی دەستی پێنەکرد، دوای لێدانە سزاکەی پاراگوای، وابزانم ئێمە لە هەموو روویەکەوە باشتر بووین،تیپەکە کاردانەوەی هەبوو، دەرفەتی دروستکرد، لە ئەنجامدانی ئەو شتانەی کە دەبوو بیکەین،توانیمان ئەنجامەکە یەکسان بکەینەوە”.

دواتر وتی:” لە نیوەی دووەم هەموو شتێک بۆ ئێمە بوو، جگە لەوەی نەمانتوانی بردنەوە  تۆمار بکەین، دەبێت کە زۆر شت باشتربوون بەرز بنرخێنین، هەڵبژاردنی نیکۆلاس گۆنزالێز بۆ یاریکردن هەمیشە لە خەیاڵمدا بووە، ئێمە پێمان وایە دەیتوانی ئەم رۆڵە بگێڕێت،بۆ ئەو زۆر خۆش بوو، من ئەو یاریزانەم زۆر خۆشدەوێت چونکە وەکو خۆی رۆڵی خۆی گێڕا”.

لە کۆتایدا وتی:”بە تامێکی تاڵ و شیرینەوە یاریگامان جێهێشت، چونکە ئەرجەنتین هەموو شتێکی کرد بۆ بردنەوە، لە نیوەی دووەم تیپی رکابەرمان گەڕاندەوە دواوە،هەروەها دەبێت پێگەی تیمەکە بەرز بنرخێنین کە هەمیشە بڕوای بە سەرکەوتن هەیە”.