ئایا كاتى ئهوه هاتووه “كورد كارتى ریفراندۆم بهكاربهێنێت” و له پرۆسهى سیاسى بكشێتهوه؟
SNN – عەلی حەمە سەعید
ماوەیەكە ژمارەیەك كەسایەتی و بەرپرسانی سیاسی لە هەرێمی كوردستان بانگەشەی ئەوە دەكەن، “كارتی ریفراندۆم وەك كارتێكی فشار بەرامبەر بە بەغدا بەكاربهێنن و كاتی كشانەوەیە لە پرۆسەی سیاسی عێراق”، ئەوەش وەك كاردانەوەیەك لە بەرامبەر بێ بەشكردنی كورد لە پرۆژەیاسای قەرز، بهڵام كەسایەتییەكی سیاسی بە ئەزموونی كورد كشانەوە به چارەسەر نازانێت.
د. مەحمود عوسمان، كەسایەتی سیاسی بە ئەزموونی كورد لهوبارهیهوه بە SNNی راگەیاند: “بڕیاری كشانەوە لە پرۆسەی سیاسی عێراق و گەڕانەوە بۆ هەرێمی كوردستان بڕیارێكی هەروا سەرپێی نییە بدرێت، دواتر نازانین چ دۆخێك چاوەڕوانمان دەكات، چونكە ئێمە بمانەوێت و نەمانەوێت بەشێكین لە عێراق و بڕیارێكی لەو شێوەیەش بڕیارێكی هەڵەیە”.
وتیشى: “دەبێت حكومەتی هەرێم بیر لە رێككەوتن بكاتەوە لەگەڵ عێراق، چونكە كشانەوەی یەكجاری لە عێراق چارەسەر نییە، بەڵام دەكرێت نوێنەرانی كورد بە هەموویانەوە بێنەوە كوردستان و پێكەوە كۆببینەوە بەدوای رێگاچارەیەكی گونجاودا بگەڕێن لەگەڵ عێراق ئەمە كارێكی باشە و ئاساییە بكرێت، بەڵام بڕیاری كشانەوەی یەكجاری هیچ لە بەرژەوەندی گەلی كورد نییە لەم قۆناغەدا”.
ئەو سیاسەتمەدارەی كورد ئەوەشی خستەڕوو: “لە حاڵەتێكدا كە حكومەتی هەرێم بودجەیەكی باشی هەبێت و پشت بە بەغدا نەبەستێت بۆ دابینكردنی مووچە و پاڵپشتیەكی دەرەكیشی هەبێت دەكرێت بیر لەوەها بڕیارێك بكرێتەوە، بەڵام ئێستاشی لەگەڵ بێت حكومەتی هەرێم بەبێ بەغدا ناتوانێت مووچە و بودجە بۆ فەرمانبەرەكانی دابین بكات”.
