وێبگەڕێکی نوێ بووەتە هەڕەشە بۆ سەر گووگڵ

SNN

وێبگەڕێکی نوێ بەمدواییانە هاتووەتە ئاراوە کە بووەتە هەڕەشە بۆ سەر کۆمپانیای گووگڵ بە گشتی و وێبگەڕی گووگڵ کڕۆم بە تایبەتی.

سایتی فۆڕبس نووسیویەتی کە وێبگەڕە نوێیەکە لە ماوەیەکی کەمدا 20 ملیۆن بەکارهێنەری لە وێبگەڕەکانی دیکەی وەک (کڕۆم و سافاری و فایەرفۆکس) بۆ خۆی راکێشاوە و بووەتە هەڕەشە بۆ سەر هەموویان.

وێبگەڕەکە ناوی (برەیڤ)ە واتە ئازا و لە ماوەی ساڵی پارەوە تا ئێستا 130 لەسەدای بەکارهێنانی زیادیکردووە، ئەویش بەهۆی تایبەتمەندییە باشەکانی لە رووی پاراستنی زانیارییەکانەوە.

ئەم ئەپی گەڕانەی ئینتەرنێت وەک بریندن ئیچ-ی بەڕێوەبەری دەڵێت: “خەڵک بێزار بووە لە ریکلامی بێ مانا و چاودێریی بەسەر تایبەتمەندیی بەکارهێنەرانەوە، بۆیە خەڵک ئێمە هەڵدەبژێرێت”.

وێبگەڕی برەیڤ لە ئێستادا 20.5 ملیۆن بەکارهێنەری هەیە و لە مانگی نۆڤەمبەردا 8.7 ملیۆنی زیاد کردووە و بووەتە هەڕەشە بۆ سەر ئامێرەکانی دیکەی گەڕانی سەر هێڵ.