خولێكی راهێنانی تایكواندۆ له كەركوك كۆتاییهات
بەشداربووانی پاڵەوانێتیەکە
SNN Sport- حسێن کەرکوکی
له هۆڵی سه‌نته‌ری لاوانی شۆریجه لە شاری کەرکوک،كۆتاییهات به خولێكی راهێنانی تایكواندۆ كه یه‌كێتیی تایكواندۆی كەركوك سازیكردبوو.
سه‌باره‌ت به خوله‌كه وئامانج لێی ، دیار عه‌بدولخالق سكرتێری یه‌كێتی تایكواندۆی كه‌ركوك بۆ (SNN Sport) وتی:” خوله‌كه ماوه‌ی سێ رۆژی خایاندوو 33 راهێنه‌ر به‌شداریان تیدا كردبوو،راهێنه‌ران له شاری كه‌ركوك ، دووز خورماتوو،كفری ،چه‌مچه‌ماڵ و قه‌ره‌هه‌نجیر بەشدارییان تیدا كرد”.
هه‌روه‌ها وتی:” خوله‌كه بریتی بوو له وانه‌ی پراكتیكی و تیۆری و له لایه‌ن به‌هزاد ئیلخانی وترانه‌وه كه یاریزاێكی نێوده‌وڵه‌تی پێشووی ئێران بوو، ئێستاش راهێنه‌ری هه‌ڵبژارده‌ی تارانه”.
سكرتێری یه‌كێتی تایكواندۆی كه‌ركوك له كۆتاییدا ئه‌وه‌ی خسته‌روو:” خوله‌كه ئامانجمان تیدا پوختكردن و به‌رەوپێشبردنی ئاستی به‌شداربووان و ئاشناكردنیانە به دوایین گۆڕانكارییه‌كانی یاریه‌كه”.
