سەرەڕای نالەباری دۆخی ئابووری لە تورکیا، ئەردۆغان دەیەوێت مووچەکەی خۆی زیاد بکات

SNN

لەکاتی ئێستادا تورکیا بە سەخترین کاتی ئابووری خۆیدا تێدەپەرێت لە روویەکەوە ڤایرۆسی کۆرۆنا و لە ڕوویەکەوە دابەزینی بەهای لیرەی تورکی و پەککەوتنی کەرتی گەشتیاری کە شادەماری ئابووری ئەو وڵاتەیە، ئەردۆغان داوای کردووە لە بودجەی 2021 مووچەی خۆی زیاد بکرێت.

بەپێی هەواڵێکی رۆژنامەی (زەمان)ی تورکی ئەردۆغان داوایەی کردووە کە مووچەکەی بۆ 88 هەزار لیرەی مانگانە زیادبکرێت و دەستەی سەرۆکایەتی کۆماریش بۆ 886 هەزار لیرە زیاد بکرێت، ئەم زیادکردنەوەی مووچەی ئەردۆغان دەکاتە %5.3 کە رێژەیەکی زۆر بەرزەو هیچ کەسێک لە تورکیادا جا هەر پلەو پۆستێکی هەبێت مووچەکەی ناگەتە ئەو رێژەیە.

ئەم هەوڵانەی ئەردۆغان بۆ زیادکردنی مووچەی خۆی دەنگۆی زۆری بەدوای خۆیدا هێناوە لە تورکیا، پارتە ئۆپۆزسیۆنەکان ئەم هەوڵەی ئەدرۆغان بە باوکی گەندەڵییەکان ناودەبەن، لەکاتێکدا خودی ئەردۆغان بە هاووڵاتییانی تورکیا دەڵێت “دان بەخۆتاندا بگرن تا ئەم دۆخە تێدەپەڕێنین”.