رۆژی چوارشەممەی داهاتوو پەرلەمانی كوردستان لەسەر دۆخی مووچەو دارایی كۆدەبێتەوە
دانیشتنێکى پەرلەمانی کوردستان | فۆتۆ: نووسینگەى راگەیاندنى پەرلەمان
SNN- بریار محەمەد
سەرۆكی پەرلەمانی كوردستان رایگەیاند: رۆژی چوارشەممەی ئەم هەفتەیە پەرلەمانی كوردستان كۆدەبێتەوە و دۆخی دارایی هەرێمی كوردستان و پرسی مووچە تاوتوێ دەكات.
رێواز فایەق، سەرۆكی پەرلەمانی كوردستان رایگەیاند: رۆژی چوارشەممە 2ی کانوونی یەکەم، پەرلەمانی كوردستان كۆدەبێتەوە و دۆخی دارایی و پرسی مووچەی فەرمانبەران تاو توێدەكات و هەروەها رێگاچارەكانی تێپەراندی ئەو دۆخەش تاوتوێ دەكات.
وتیشی “لەم كۆبوونەوەیە تەواوی پەرلەمنتاران دەتوانن بە ئارەزووی خۆیان پرسیار بكەن و نوقتەی نیزامی پێكەش بكەن”، کۆبوونەوەی ئەمڕۆی پەرلەمانیش لەسەر پرسی کۆچی گەنجان دەبێت بۆ دەرەوەی وڵات.
