“80 تووشبووى كۆرۆنا له ههولێر لهژێر چاودێرى چڕدان و دۆخیان ناجێگیره”
نهخۆشخانهى (شههید تاهیر عهلى والى بهگ) تایبهت به كۆرۆنا له سلێمانى | فۆتۆ: SNN
SNN – بڕیار محەمەد
بهڕێوهبهرى گشتى تهندروستى ههولێر رایدهگهیهنێت: 80 تووشبووى كۆرۆنا لهژێر چاودێرى چڕدان، دهشڵێت: “ههرچهنده رێژهى تووشبوون به كۆرۆنا كهمبووهتهوه، بهڵام پێویسته هاووڵاتییان زیاتر پابهند بن”.
د. دلۆڤان محهمهد، بهڕێوهبهرى گشتى تهندروستیی ههولێر له پهراوێزى كۆنگرهى رۆژنامهوانى خۆیدا و له وڵامى پهیامنێرى SNN، رایگهیاند: “لە ئێستادا 80 تەختەی چاودێری چڕ لە نەخۆشخانە حكومییەكان و تایبهتهكان پڕن لەو نەخۆشانەی كە دۆخییان ناجێگیرە، 40 تەختەیان لە نەخۆشخانەی حكومی و چل تەختەیان لە نەخۆشخانە تایبهتهكانن، لە دوو مانگی رابردوودا جاری وا هەبوو لەو ژماریە شوێن نەدەمان تووشبووانی كۆرۆنای لێ دابندرێت، بەڵام ئێستا كەمێك دۆخەكە باشتر بووه”.
وتیشى: “ئێستا ژمارەی تووشبووان بەرەو كەمبوونهوه چووه، هۆكارەكەشى بۆ داخستنی دهرگاى قوتابخانە و پابەندی هاووڵاتییان دهگهڕێتهوه، بۆیە ئێستاش پێویستمان بە خۆپارێزی هەیە، تاوەكو دۆخەكە بەتەواوهتى كۆنترۆل دەكرێت”.
